اشهك موت -عمار الكناني -مكتوبه
أشهگ موت كل ساع
جيت ادفن سمه بگاع
يا منحر ادفنه يحچي ويّاي وايهيّج عذابي
زينب وين ليش لوحدك جاي واحتار بجوابي
...
اليفگد واحد يعيش كل ايامه حيره
وأنه بظهريه وحده فاگدلي عشيره
بديرة حسين مذبوح واهلي بغير ديره
وذر خلنه السيوف لميته بحصيره
يناس الكسر ظهري عماتي اسيره
زينب تصعد النوگ تره هوايه چبيره
احسين بلا دفن ظال
وزينب بيدها احبال
وآنه ابين هاي وهاي ظليت كاتلني مصابي
اليسألني اعله زينب شحچي ويّاه حيرني بجوابي
...
يم حسين رديت بلا راس وشبگته
شمخليه الشمس بي ابوي وما عرفته
نحره يسولف وياي يا عالم سمعته
اعله راسه ما نشدني يناشدني اعله اخته
زينب وين ما وين ضعنها وين عفته
عمت عيني عليها مشت تبچيلي سكته
گلي بزينب اشلون
شنهي اخبار المتون
ما همتني داست خيل فوگاي ولا شيبي وخضابي
يبويه احچيلي زينب بالسبي وين واحتار بجوابي
...
تره اليدفن اخو يموت ويشوف المنيه
يعالم لا تلومون اخو يبچي لأخيه
علي الاكبر اخيي دفنته بذني اديه
من حس بيه حنيت ظل يبچي عليه
سألني وگال يا خوي صدگ زينب سبيه
صدگ صاير بعدنه اسمها الخارجيه
من بعد الخدر خاف
زينب طولها انشاف
شگله وعَمْتي بين الخيل والنار واتطفي بثيابي
يگلي الحرم خو ما باچيه اهواي واحتار بجوابي
..
رضيع حسين شلته اغسلت بدموعي نحره
مثل عيسى ابن مريم حچه وهيّجلي حسره
يناس بصدر الحسين يريد يصير گبره
وابوي اگبالي بالخيل انطبگ صدره اعله ظهره
گلتله الوالده اعليك تبچي دموع حمره
يگلي عيف امي اعله زينب گلبي جمره
الرضيع يصيح بالآه
على زينب اويلاه
ابد ما انسه زينب وانه مذبوح دم تبجي لغيابي
صفه حته الطفل يسألني ياناس واحتار بجوابي
...
بقه اعله النهر عباس متت يلا وصلته
بَلا راس ويدوّر عله الچفين شفته
يگلي المثلي صعبه شمر يتوله اخته
الما لاگني بالجيش شتم زينب سمعته
سوط الـ لاح المتون لهسه بأذني طگته
السطر زينب عله العين سطرني و ما عرفته
منو يصدگها يا ناس
مسبيه اخت عباس
اسمعتها تصيح ما تلحگ يعباس دنت نار لحجابي
شجاوبها وسهم مكسور بالعين واحتار بجوابي
...
خادم الحسين ( عليه السلام)
كرار حسين الكربلائي
( ابو كميل)
الله شنو هاي القصيده تخبل دخيلك يا مولاي يا زين العابدين والله يساعد قلبك اشلون تحمل هاي المصيبه حشرنه الله معك ومع محمد وآل محمد
ردحذف